Güei lleo la noticia de qu'una tuneladora de Payares dexó de furrular y los responsables escondieron esti fechu quince díes. El mio propósitu nun ye falar de los retrasos que tien la variante de Payares por mor de les mentires y los despropósitos de los políticos, sinon falar de la otra variante, la que atraviesa Xixón per debaxu, ye dicir, el Metrotren. ¿A que ya nun vos alcordabeis eh?
Hai dellos díis que charraba con un collaciu y ésti dicíame «oye tú, ¿Qué ye del Metrotren?». Y ye verdá. ¿Dalgún s'alcuerda cuantu tiempu hai que nun falen del tema? Cola chapa que mos dieron durante años sobro'l proyeutu, que nun había día que nun saliera na prensa...
Echando una güeyada a les informaciones qu'hai n'internet sobro esti proyeutu, les últimes noticies que salen son de 2007. Camiento que lleven casi dos años ensín apurrinos noticies precisamente porque nun hai ná que cuntar, porque esti proyeutu tá paráu o con vistes de ser otru de los munchos proyeutos del PSOE que nunca finen. Son espertos en entamar obres y armar un cristu pa llueu dexales morrer.
Prestaríame que la oposición nel ayuntamientu de Xixón (PP) que lleven ya tiempu na poltrona entrugaren al equipu de gobiernu (PSOE y los sos collacios IX) pol estáu d'esta obra. Los xixoneses y los asturianos tenemos drechu a sabelo.
Entradas
3 comentarios:
Paréceme a mi que ni metrotren ni na... mucho lirili pero poco lerele... ye con tien la politica!
lo mismo pa cuando se acerquen las elecciones nos ponen una estación de metro en venta les ranes!
Qu'esperabes collaciu, jeje. Esti ye'l país del servilismu y clientelismu del P$OE, colo qu'entámense obres faraóniques pa tener a los costructores y financiaores del partíu contentinos: vease metrotrén, muselón, delles variantes, ZALIA y demás mierda que se dediquen a facer, y que nun fai falta pa nada.
Ties razón, Berto, eses obres que señales son más exemplos del despropósitu d'estos gobernantes que solo piensen en facer clientelismu. Tovía estos díis táse falando de la poca carga q tá teniendo el Musel, entós pa que quieren el superpuertu, namás que pa especular?
Publicar un comentario en la entrada