Ole los tos güevos, Areces

Vaya dos

La selmana pasada asistimos a unes nueves declaraciones del señor Areces que polo menos a mi nun me cayeron en baxu. Tou gallasperu dixo:

«Saldremos los primeros de la crisis, las hemos vivido peores»

Pero si Asturies entá nun salió del so lletargu, del pozu nel que llevamos metíos más de venti años, cómo pa salir los primeros de la que ta cayendo agora.
Yo nun sé como nun-y cae la cara de vergoña de rise asina de los asturianos. Pero lo triste ye que pue permitíselo porque nun tien en frente a naide que-y pare los pies. Los del PP tan arrequexáos nel so puestín viéndoles venir, y los d'IU que siempre anden perhí atravesaos nun se sabe mui bien onde, la mayoría les vegaes a rebufu del PSOE y llambiendo culos pa mantener el so puestín.
Nesti sen, Jesús Iglesias, portavoz d'IU tampoco quedó atrás y combayó colos sos collacios de la FSA diciendo que la crisis ye mundial y que fai falta modestia y compromisu.

"... Jesús Iglesias, el portavoz de IU, reivindicó «modestia y compromiso» para afrontar una crisis «de ámbito mundial, en la que el margen de actuación de un Gobierno regional siempre será limitado». Con todo, Iglesias puso el acento en que «el Gobierno regional debe beneficiar a los más desfavorecidos» ..."

Tú sí que yes mundial amiguín. ¿Nun te das cuenta que los datos asoleyen qu'España ye el país que más paru xenera d'Europa? Mentantu qu'el paru na mayoría de los países baxa o caltiense costante, n'España espoxiga. Pamidea que lo qu'hai equí ye dalgo más que una crisis mundial. Nun entiendo munchu d'economía pero tá bien claro qu'España tiene la so propia crisis y qu'amás de modestia y compromisu fai falta tomar medíes que nun seyan improvisaes. La crisis inmobiliaria ye un factor esclusivu d'España y ye independiente de la crisis financiera global. La baxa produción y la escasa inversión en I+D son dos de los problemes qu'entá tán por afrontar. D'Asturies pa qué falar...