¿Dasme una ayudina?

Si entrugues nes estremaes oficines de vivienda por ayudes a la compra de pisu o pagu d'hipoteca sálente con dellos panfletos propagandísticos coles bases pa optar a una d'elles. Por más cuentes qu'eches nun hai per onde iguar lo que piden, y lo que ye pior, si creyes que das el perfil, a la fin hai dalgún flecu pol que te ponen torgues pa dátela. Ye la política que vien faciendo'l PSOE tou esti tiempu col tema d'ayudes y suvenciones, pónente'l caramelu en boca pa llueu quitátelu persabiendo d'antemano que nun te lu van dar.
Entós entrugo yo, ¿A quién van empobinaes estes ayudes? Si ye verdá qu'estes ayudes esisten, ¿A quién van a parar?¿Quién cumple el requiloriu de tener pisu y cobrar per debaxo del umbral que mos ponen?
Hai un bon garrapiellu de xente mozo asturiano que nagua porque-y echen un gabitu pa pagar el pisu pero a la fin la administración sal con una llordia y dizte que non, que nun cumples el puntu 3 del panfletu, vamos que sí, que me paez mui bien que seyas asturianu de tola vida y tés matándote pa ganar un sueldín, pero según los cálculos tas montáu nel dólar.